Կրուիզների մասին

Կրուիզներ տանող նավերի գաղտնիքները

() — Fri, 06 Dec 2024 16:40:04 +0000

Յուրաքանչյուր զբոսանավի վրա կա բանտ
Յուրաքանչյուր կրուիզային զբոսանավում կա իսկական բանտ կամ նավի մենախուց: Սովորաբար այն կազմված է մի քանի փոքրիկ տարածքներից, որտեղ կահույքից միայն մահճակալներն են: Որպես կանոն, բանտը գտնվում է նավաքթում: Օրենք խախտողները մնում են փակի տակ, մինչև նրանց չհանձնեն իշխանություններին ժամանման նավահանգստում կամ մոտակա կանգառում:

Մարդիկ անհետանում են կրուիզների ընթացքում
Քչերը գիտեն, որ ամեն տարի զբոսանավերից անհետ կորում են մարդիկ: Կրուիզներից տուժածների ասոցիացիայի (կա այդպիսի կազմակերպություն) զեկույցի համաձայն՝ 1995-2011թթ. կորել է 165 մարդ: Իսկ որոշ աղբյուրներ էլ պնդում են, որ կորածների թիվը կարող է հասնել 200-ի: Ոչ ոք չգիտի՝ պատահաբար են ընկել նավից, ինքնասպանություն են գործել, թե առևանգվել են:

Զբոսանավերի վրա կան գաղտնի ծածկագրեր
Դժվար է չհամաձայնել, որ կրուիզների ընթացքում արտակարգ իրավիճակի ժամանակ անձնակազմին անհրաժեշտ է խուսափել զանգվածային խուճապից և նրանք ունեն դրա լուծումը՝ գաղտնի ծածկագրերը:

Եթե բարձր կապով լսում եք «պայծառ աստղ» կամ «ալֆա, ալֆա, ալֆա», ապա ինչ-որ մեկին հարկավոր է բժշկական օգնություն, իսկ «ծագող աստղը» նշանակում է, որ մարդ է մահացել: PVI կոդը նշանակում է, որ ինչ-որ մեկը փսխել է: «Միստեր Մոպը» և «Օսկար, Օսկար, Օսկարը» նշանակում են, որ նավից մարդ է ընկել: «Չարլի, Չարլի, Չարլի»՝ անվտանգության սպառնալիք: «Բրավո, բրավո, բրավո»՝ հրդեհ:

Կռուիզների ժամանակ մարդիկ քաշ են հավաքում
Համաձայն մի շարք օնլայն հարցումների՝ մեկ շաբաթվա կռուիզի ընթացքում մարդիկ հավաքում են 3-5 կգ քաշ՝ կախված նավի վրա կատարած ֆիզիկական վարժություններից, օգտագործած ալկոհոլային կոկտեյլների և բուֆետ այցերի քանակից:

Յուրաքանչյուր զբոսանավի վրա կա դիահերձարան
Ամեն տարի կռուիզ են ուղևորվում ավելի քան 22մլն մարդ: Նրանցից շատերը ծեր մարդիկ են, ովքեր վայելում են իրենց վաստակած հանգիստը:

Ցավոք, ուղևորների մահվան դեպքերը այդքան էլ հազվադեպ չեն: Յուրաքանչյուր տարի կրուիզների ժամանակ մահանում է մինչև 200 մարդ: Ուստի տրամաբանական է, որ նավի վրա կա դիահերձարան:

Երբ որևէ մեկը մահանում է, անձնակազմը չի զգուշացնում մյուս ուղևորներին ողբերգության մասին, որպեսզի չփչացնի նրանց հանգիստը:

Կռուիզի ողջ ընթացքում մարմինը մնում է դիահերձարանում, որը գտնվում է անձնակազմի համար նախատեսված գոտում: Ուղևորների մուտքն այդտեղ արգելված է:

Կրուիզների ժամանակ հնարավոր է՞ առանց վիզա Լոնդոն մտնել

() — Fri, 25 Oct 2024 19:11:37 +0000

Հնարավոր է: Այդպիսի իրավունք է տալիս Մեծ Բրիտանիայի վիզային օրենսգիրքը:

Սակայն կա մի քանի պայման.

առաջին՝ կրուիզները չպետք է սկսվեն և ավարտվեն Մեծ Բրիտանիայում,

երկրորդ՝ կրուիզային նավը բրիտանական նավահանգստում 24 ժամից ավել չպետք է կայանի,

երրորդ՝ եթե բրիտանական նավահանգիստները մի քանիսն են, ապա ուղերթում չպետք է իրար հաջորդեն:

Սովորաբար վիզային գերատեսչության աշխատակիցները նավահանգստում կրուիզային նավ են բարձրանում և այնտեղ կնքում ուղևորների անձնագրերը:

Կռուիզներ տանող զբոսանավերը հաճախ ե՞ն խորտակվում

() — Sat, 29 Jun 2024 08:00:39 +0000

Ծովային կռուիզ տանող նավերն ավելի հազվադեպ են խորտակվում, քան ընկնում են ինքնաթիռները։ Իսկ ինքնաթիռներն ավելի հազվադեպ են ընկնում, քան վթարներ են պատահում ավտոճանապարհներին։

Ամեն օր օգտվում ենք ավտոմեքենայից կամ հասարակական տրանսպորտից և անգամ չենք էլ մտածում՝ վտանգավոր է, թե ոչ։ Սակայն փաստը մնում է փաստ. կռուիզներ տանող զբոսանավը բոլոր տեսակի տրանսպորտային միջոցներից ամենաանվտանգներից է։

Ծովային նավերի կառուցման ժամանակ համաշխարհային զբոսաշրջային կորպորացիաները օգտագործում են գիտական վերջին զարգացումները և ձեռքբերումները՝ ծովաճոճքի կայունացման համակարգ, արբանյակային նավիգացիա և արտակարգ իրավիճակների դեպքում մինչև անվտանգ հեռավորություն «ցանկացած խնդրից հեռու արագ նավարկելու» հնարավորություն:

Այս ամենը թույլ է տալիս ուղևորներին իրենց բավական վստահ զգալ:

Կռուիզ նավ ո՞ր տարիքից կարելի է վերցնել երեխաներին

() — Sat, 11 May 2024 13:27:05 +0000

Կռուիզ նավ բարձրանալու թույլատրելի տարիքը կախված է կազմակերպող օպերատորի կանոններից և քաղաքականությունից, նաև ուղերթից և մեկնման կետից: Սովորաբար երեխաներին կարելի է վերցնել կրուիզ ցանկացած տարիքում՝ ներառյալ նորածնայինը:

Դրա հետ մեկտեղ գոյություն ունեն զբոսանավի վրա որոշակի տարիքի երեխաների գտնվելու վերաբերյալ հստակ կանոններ: Royal Caribbean, Celebrity Cruises, Norwegian Cruise Line, Pullmantur Cruceros, Costa Cruises ընկերությունները նշում են, որ երեխայի տարիքը ծովային շրջագայության սկզբում պետք է լինի 6 ամսականից ոչ պակաս:
Այդ կանոնի համար կան նաև հստակեցումներ: Աֆրիկայի, Հեռավոր Արևելքի, Հնդկաստանի և այլ տրանսօվկիանոսային ծովային շրջագայությունների համար երեխայի տարիքը պետք է 1 տարեկանից (12 ամսական) ցածր չլինի ճանապարհորդության սկզբին: Նաև կռուիզ նավ կարող են թույլ չտալ 12 ամսականից ցածր երեխաներին, եթե տուրը նախատեսում է ծովում անցկացնել անընդմեջ 3 օրից ավել:

Հեռավոր երկրների ծովային զբոսաշրջությունների կամ երկարատև ժամանակով շրջագայության դեպքում, հնարավոր է երեխաների համար հարկավոր լինեն բժշկական փաստաթղթեր կամ թույլտվություններ, հատկապես երբ նրանք կրուիզ են մեկնում առանց ծնողների կամ էլ ծնողներից մեկի հետ: ՈՒստի խորհուրդ է տրվում հստակեցնել տվյալ զբոսաշրջային օպերատորի պահանջները երեխաների հետ ուղևորություն պլանավորելիս: Ահա որոշները.

. առանց մեծահասակների ուղեկցության չի թույլատրվում կռուիզ նավ բարձրանալ 18 (երբեմն 21, 24) տարեկանից ցածր ուղևորներին (ուղեկցության փաստը պետք է հաստատվի փաստաթղթերով), բացառություն են կազմում 18/21 տարեկանից երիտասարդ ընտանեկան զույգերը, ովքեր ամուսնության վկայական կներկայացնեն,
. հղիները կկարողանան կռուիզ նավ մտնել մինչև 24 շաբաթական հղիության դեպքում,
. ուղեկցողը ամբողջովին պատասխանատու է անչափահաս ուղևորի համար,
. անձնական դայակի ծառայություններ ոչ բոլոր ծովային զբոսաշրջային ընկերություններն են տրամադրում. հստակեցնել ամրագրումից առաջ,
. նավահանգստային տուրքերը և հարկերը երեխաները վճարում են մեծահասակի չափով,
. վարքագծի չգրված կանոնների համաձայն՝ դիպչել օտար երեխաներին, նկատողություն անել երեխաներին կամ նրանց ծնողներին, գտնվելով բազմազգ միջավայրում, ընդունված չէ։

Տարիքային սահմանափակումների պահանջները չկատարելը հղի է տուրի չեղարկմամբ և տուգանքով։

Կրուիզային նավ ալկոհոլ անցկացնել չի թույլատրվում

() — Sun, 05 May 2024 19:38:22 +0000

Կրուիզային զբոսաշրջություն առաջարկող ընկերությունների մեծամասնությունը չեն ողջունում ուղևորների կողմից կռուիզ նավ ալկոհոլ բերելը։ Ալկոհոլը չի ներառվում տոմսի բազային գնի մեջ, քանի որ այն կրուիզի եկամտի հիմնական աղբյուրներից է:

Որոշ կրուիզային ընկերություններ թույլ են տալիս ուղևորներին իրենց հետ վերցնել ալկոհոլի որոշակի քանակ (1-2 շիշ)։

Անվտանգության ծառայությունը գիտի, թե որքան ցանկացողներ կան, ովքեր փորձում են անցկացնել իրենց ալկոհոլը ճամպրուկի մեջ ու մանրակրկտորեն ստուգում է։

Հայտնաբերված ալկոհոլը տանում են առանձին պահպանման վայր և վերադարձնում վերջում՝ նավը լքելիս:
Անգամ նավի Duty Free-ից գնված ալկոհոլը թույլ չեն տա խմեք նավի վրա: Կվերադարձնեն ծովային զբոսանքի ավարտին:

Չնայած արգելքներին, կրուիզային նավ ալկոհոլ անցկացնել հնարավոր է: Փորձը փորձանք չէ. վատագույն դեպքուն այն կվերցնեն և կվերադարձնեն կրուիզի ավարտին:
Ալկոհոլ անցկացնելու ամենաաշխատող տարբերակն է այն դնելը ուղեբեռի մեջ, որը հանձնվում է նստեցման նավահանգստում՝ նախապես ապակե շշերից դատարկելով պլաստիկ շշերի մեջ:

Մի չարաշահեք քանակը: 1-2 լիտրանոց 1-2 շշով կարող եք աննկատ անցնել, սակայն պետք չէ ճամպրուկը գերբեռնել դրանցով: Պատրաստ եղեք, որ եթե ալկոհոլը հայտնաբերեն, ապա ձեր ուղեբեռը կվերցվի, և դուք պետք է մոտենաք ընդունարան, որովհետև ուղեբեռը բացել և շշերը հանել կարելի է միայն ձեր ներկայությամբ:

Ծովային կռուիզ կազմակերպող ընկերություններն ընդդեմ ծխելուն

() — Sun, 05 May 2024 18:32:24 +0000

Ծովային կռուիզի համընդհանուր ստանդարտներին համապատասխան՝ կռուիզ տանող կազմակերպությունները արգելում են ծխելը զբոսանավերի բոլոր հասարակական գոտիներում, նավախցերում և նավախցերի պատշգամբներում:

Զբոսաշրջային ընկերությունները ծխելու կանոնների խախտման համար 100-250$ տուգանք են գանձում: Կանոնները հիմնականում տարածվում են նաև էլեկտրոնային սիգարետի վրա։

Star Princess կրուիզային նավի հրդեհից հետո նավախցերում և նավախցերի պատշգամբներում արգելվեց ծխելը համարյա բոլոր կրուիզային նավերում:
Նավախցի պատշգամբում ծխել դեռ կարելի է Holland America Line, AIDA Cruises ընկերությունների զբոսանավերի վրա:

Ծխելն արգելված է բոլոր զբոսանավերի ռեստորաններում, թատրոններում, վերելակներում:

Թույլատրվում է ծխել, այսպես կոչված, «ծխախոտային ակումբներում», որոշ բարերում և տախտակամածի ծխելու բացօդյա հատուկ գոտիներում:

Վերջերս ծովային կռուիզ կազմակերպող ընկերությունները թույլատրում են ծխել կազինոներում՝ միայն խաղացողներին:

Չի թույլատրվում ծխախոտի մնացորդը գցել նավից դուրս. դրա համար ևս տուգանում են:

Առողջ ապրելակերպի համար պայքարում ծովային զբոսաշրջային ընկերությունները տարեցտարի խստացնում են նավի վրա ծխելու հետ կապված պահանջները: Ընկերությունները աշխատում են հաշվի առնել ինչպես ծխող ողևորների, այնպես էլ առողջ ապրելակերպի կողմնակիցների պահանջները:

Կրուիզային նավի անձնակազմը սպասո՞ւմ է արդյոք ուշացողներին

() — Mon, 29 Apr 2024 20:14:01 +0000

Դուք իջել եք նավից կրուիզի ընթացքում և «կորել» քաղաքում (էքսկուրսիաներ, շոփինգ, զբոսանք):

Կրուիզային նավում սպասո՞ւմ են արդյոք ուշացողներին։ Չեն սպասում, որովհետև զբոսանավի մեկ ժամ պարապուրդը շատ թանկ արժե: Եվ նրանց, ովքեր առանց զգուշացման ուշացել են, կարող են անգամ սև ցուցակում ներառել, և տվյալ զբոսաշրջային ընկերությունը նրանց այլևս երբեք չի վաճառի իր կրուիզային զբոսաշրջությունների տոմսերը:

Լինում են բացառություններ ֆորս-մաժորային իրավիճակների դեպքում. օրինակ, երբ զբոսաշրջիկներով ավտոբուսը ուշանում է, ապա նավը առանց իրենց չի հեռանա:

Ամեն դեպքում, յոթ հազարը մեկին չեն սպասում։ ՈՒստի գրագետ պլանավորեք ձեր ժամանակը և մի ուշացեք:

Առանց պատուհան նավախցում վախենալո՞ւ է և ոչ հարմարավե՞տ

() — Mon, 29 Apr 2024 11:06:04 +0000

Բոլորը, ովքեր գոնե մեկ անգամ հետաքրքրվել են կրուիզային զբոսաշրջության գներով գիտեն, որ ամենաէժան սակագինը առանց պատուհանի նավախցինն է:

Այդպիսի նավախցերը տեղակայված են տախտակամածից վար: Դրանք 14-20 քմ ստանդարտ համարներ են՝ ցնցուղով, զուգարանով, կահավորումով:

Կրուիզ մեկնող զբոսաշրջիկները, ովքեր չեն տառապում կլաուստրոֆոբիայով (փակ տարածքներից վախով) ոչ մի անհարմարավետություն չեն զգա:

Կրուիզ նավով զբոսաշրջության մասին մի քանի փաստ

() — Sun, 21 Apr 2024 19:13:05 +0000

Յուրաքանչյուր տարի կրուիզ հանգիստ են մեկնում 30 միլիոնից ավել մարդ: Ընդ որում՝ կրուիզային զբոսաշրջությունների վաճառքի մեծ մասը (77%) ընկնում է ԱՄՆ-ի և Կանադայի բնակիչներին: Ամերիկացիները գնում են տարեկան մոտ 5 մլն ծովային շրջագայություն (համեմատության համար. Իսպանիայում տարեկան վաճառվում է 200 հազար, իսկ Ռուսաստանում՝ 20 հազար ծովային շրջագայություն):

Աշխարհի ամենաթանկը Seven Seas Explorer նավով ծովային շրջագայությունն է, որն արժե մոտավորապես 10.000$ մեկ գիշերվա համար մեկ մարդու հաշվով։ Այն աշխարհում ամենաշքեղ զբոսանավն է. ուղևորներին առաջարկում է հարմարավետութան և սպասարկման ամենաբարձր մակարդակը։

Viking Ocean Cruise ընկերությունը ռեկորդ է սահմանել մեկ ծովային շրջագայության ընթացքում այցելած երկրների քանակով։ 2019 թվականին Viking Sun-ը կատարել է շուրջերկրյա ճանապարհորդություն՝ այցելելով 59 երկիր 245 օրվա ընթացքում։

Աշխարհի ամենամեծ կրուիզային նավը Simphony of the Seas-ն է (պատկանում է Royal Caribbean International ընկերությանը)։ Նրա երկարությունը 362 մետր է, լայնությունը՝ 66 մետր, բարձրությունը՝ 72 մետր, տարողությունը՝ 228 հազար տոննա։

MSC Virtuosa-ն նորագույն կրուիզային նավ է: Կառուցվել է Ֆրանսիայում և ջուր իջեցվել 2021 թ.-ին։ Վիրտուոզայի տարողությունը 170 հազար տոննա է։ Իր ժամանակի համար հսկայական Տիտանիկի տարողությունը ընդամենը 52 հազար տոննա էր։ Այսինքն՝ Virtuosa-ն ավելի քան երեք Տիտանիկի չափի է։

Լայների երկարությունը 331 մետր է։ Դա հավասար է Էյֆելյան աշտարակի բարձրությանը։ Լայնքը 43 մետր է։
Նավն ունի 2400 տարբեր դասի նավասենյակ և կարող է ընդունել մինչև 6334 ուղևոր և անձնակազմի 1700 անդամ։ Փաստացի՝ քաղաքային տիպի գյուղակ է ջրի վրա։

MSC Virtuosa-ն նավարկում է Պարսից ծոցով, Միջերկրական ծովով և Հյուսիսային Եվրոպայով։ Կրուիզային զբոսաշրջությունը սովորաբար տևում է 7-8 օր և անգամ 119 օր, եթե շուրջերկրյա են:

Նավի վրա ձեր տրամադրության տակ է՝ 12 ռեստորան, 21 բար, 945 տեղանոց թատրոնը ամենօրյա տարբեր շոուներով (օրինակ, Դյու Սոլեյ կրկես կամ բրոդվեյան ելույթներ), IMAX կինոթատրոնը, 5 լողավազան, այդ թվում՝ տաք ծովային ջրով, բոուլինգ, բիլիարդ, կազինո, SPA սրահ, ֆիթնես կենտրոն և մարզասրահ, ֆորմուլա 1-ի սիմուլյատոր, մանկական ակումբ մանկական խաղահրապարակով, կենդանի երաժշտության ուղեկցությամբ համերգներ, մինի գոլֆ և այլ բացօթյա խաղեր, խոհարարության դասընթացներ և գինիների համտես, գրադարաններ, մի քանի տասնյակ էքսկուրսիաներ այն քաղաքներով և երկրներով, որտեղով անցնում է ծովային շրջագայությունը։ Աստեղ 11 բուտիկ կա, որտեղ ներկայացված է 250 տարբեր բրենդ:

Սնվելը կրուիզում

() — Fri, 05 Apr 2024 17:31:33 +0000

Նավով կրուիզների ժամանակ կերակրում են համարյա շուրջօրյա: Բուֆետը սկսում է աշխատել մոտավորապես առավոտյան 07:00-ից , փակվում է մոտավորապես 22:00-ին:
Իսկ ահա մինչև գիշերվա ժ. 2-ը կարող են աշխատել սննդի տարատեսակ «կայաններ», որտեղ կգտնեք բուրգերներ, կարտոֆիլ-ֆրի, պիցցա և այլն:

Նավի վրա կարող եք սնվել երեք տարբերակով.

Առաջին տարբերակ՝ բուֆետ: Նույն՝ շվեդական սեղանը:
Զբաղեցնում եք ազատ սեղանը, վերցնում եք մի քանի ափսե և սլանում բուֆետ:

Մայկան և շորտերը այստեղ տեղին են: Թոփլեսը տեղին կլինի միայն լողավազանում և միայն տղամարդկանց համար:

Տարբերակ երկրորդ՝ անվճար ռեստորան:
Ճաշացանկը ոչ հաճախ է տարբերվում բուֆետինից: Այս տարբերակի "բոնուսն" է այն, որ կարող եք ալկոհոլ խմել:

Ռեստորանի համար դրես-կոդը մի քիչ ավելի վայելուչն է: Իրականում ձեզ իհարկե չեն վռնդի, եթե ռեստորան գաք բոթասներով և սպորտային հագուստով:

Սնվելու երրորդ տարբերակը վճարովի ռեստորանն է: Հանդիպում են անգամ ռեստորաններ միշլենյան աստղերով:
Սակայն ընդհանուր առմամբ ճաշատեսակների որակը կարող է լինել ոչ շատ բարձր, քան անվճար ռեստորանում, իսկ ահա այցելուները, ինչպես հասկանում եք, ավելի պատկառելի տեսք պետք է ունենան:

Կռուիզի ժամանակ ինչպես վարվել հրդեհի դեպքում

() — Sun, 28 Jan 2024 17:31:12 +0000

Կռուիզի ընթացքում հրդեհի ժամանակ վարվելու մի քանի ընդհանուր խորհուրդ:

Հետևեք անձնակազմի հրահանգներին
Հրդեհի ազդանշանի դեպքում անհապաղ հետևեք անձնակազմի հրահանգներին: Անձնակազմն անցնում է մարզումներ և գիտի ինչպես արդյունավետ արձագանքել արտակարգ իրավիճակներում:

Խուճապի մի մատնվեք
Հանգստություն պահպանեք: Խուճապը կարող է խանգարել ձեր և կռուիզի մյուս ուղևորների անվնաս տարհանմանը:

Կրեք հագուստ և կոշիկ
Տարհանման ժամանակ կարևոր է լինել կոշիկով և ոչ լողազգեստով։ Հագուստն ու կոշիկը կօգնեն խուսափել վնասվածքներից և հարմարավետ տեղաշարժվել նավի վրա։

Խուսափեք վերելակներից
Տեղաշարժվեք աստիճաններով, որպեսզի խուսափեք կուտակումներից, և ապահովվի արագ տեղաշարժ:

Փակեք դուռը և պատուհանները
Եթե նավախցում եք, ապա փակեք պատուհանները և դուռը, որպեսզի կանխարգելեք ծխի և կրակի տարածումը: Դա որոշակի կբարելավի փրկության պայմանները:

Կրուիզային զբոսաշրջություն: Ինչպես էժան ամրագրել

() — Sat, 27 Jan 2024 16:44:11 +0000

Ահա մի քանի խորհուրդ կրուիզային զբոսաշրջություններ մատչելի ամրագրման համար:

Վաղ ամրագրում
Վաղ ամրագրումը թույլ է տալիս օգտվել սեզոնային զեղչերից և ակցիաներից:

Լոյալության ծրագրին մասնակցություն
Դիտարկեք մասնակցությունը կոնկրետ կրուիզային ընկերության լոյալության ծրագրին: Դա կարող է ձեզ հասանելիություն ապահովել լրացուցիչ զեղչերին, անվճար ծառայություններին և արտոնություններին:

Ամրագրում սեզոնի երկրորդ կեսին
Կրուիզային զբոսաշրջություններ ամրագրեք սեզոնի երկրորդ կեսին, երբ պահանջարկն ավելի ցածր կարող է լինել, գները՝ առավել շահավետ։

Վերջին րոպեների որոնում
Որոշ կրուիզային ընկերություններ առաջարկում են շատ նվազ գներ քիչ մնացած ազատ նավախցերի համար մեկնումից կարճ ժամանակ առաջ:

Տարբեր տիպի նավախցեր
Դիտարկեք ներքին կամ դեպի ծով տեսարանով նավախցի ընտրությունը, պատշգամբով առավել թանկ նավախցի փոխարեն։ Դա կարող է էապես նվազեցնել շրջագայության արժեքը։

Դիմում տուրիստական գործակալներին
Խորհրդակցեք պրոֆեսիոնալ տուրգործակալների հետ, ովքեր կարող են տրամադրել լրացուցիչ խորհուրդներ և ընթացիկ հատուկ առաջարկների վերաբերյալ տեղեկատվություն։

Ինչպես հաղթահարել ծովաճոճը կրուիզների ընթացքում

() — Sat, 27 Jan 2024 16:01:52 +0000

Ահա մի քանի խորհուրդ, թե ինչպես մեղմել ծովաճոճը կրուիզների ժամանակ:

Ընտրեք կայուն վայրեր
Ընտրեք այնպիսի նավախուց, որը մոտ է նավի կենտրոնին և ցածր է տախտակամածի մակարդակից։ Այստեղ շարժի զգացողությունը ավելի քիչ է։

Նայեք առաջ
Ծովաճոճի ժամանակ նայեք առաջ դեպի հորիզոն: Դա կօգնի ձեր վեստիբուլյար ապարատին ավելի լավ հաղթահարել փոփոխությունները:

Վարժություններ
Թեթև ֆիզիկական վարժությունը, օրինակ, տախտակամածին քայլելը, կօգնի պահպանել հավասարակշռությունը և նվազեցնել դիսկոմֆորտի զգացողությունը:

Խուսափեք ալկոհոլից և ծանր սննդից
Ալկոհոլը և ծանր սնունդը կարող են ավելի ուժեղացնել ծովաճոճի զգացողությունը: Աշխատեք խուսափել դրանց օգտագործումից ծովաճոճի ժամանակահատվածում:

Օգտագործեք հակափսխիչ միջոցներ
Խորհրդակցեք բժշկի հետ հակափսխիչ դեղամիջոցների օգտագործման վերաբերյալ: Դրանք կմեղմեն սրտխառնոցը՝ օգնելով հաղթահարել ծովաճոճի անհարմարավետությունը:

Կռուիզ Դուբայ մեկնելու համար ամենավատ սեզոնը

() — Wed, 17 Jan 2024 14:54:16 +0000

Կռուիզ Մերձավոր Արևելքով մեկնելու ամենավատ սեզոնը ամառային ամիսներն են: Հունիսից մինչ սեպտեմբեր բնորոշ են բարձր ջերմաստիճաններ և, երբեմն, էքստրեմալ եղանակային պայմաններ, ինչը կարող է կռուիզը անհարմարավետ դարձնել:

Հետևյալ 4 պատճառով են այդ ամիսները կռուիզների համար քիչ բարենպաստ:

1. Բարձր ջերմաստիճան
Ամռանը Մերձավոր Արևելքի տարածաշրջանում (ԱՄԷ, Սաուդյան Արաբիա, Քաթար) ջերմաստիճանը կարող է գերազանցել 40 աստիճանը: Դա բացօդյա գտնվելը դարձնում է անհարմարավետ և վտանգավոր առողջության համար:

2. Հողմամրրիկներ
Ամռանը հնարավոր են հողմամրրիկներ, որոնք կարող են առաջացնել վատ տեսանելիություն և ստեղծել անբարենպաստ եղանակային պայմաններ ծովային շրջագայությունների համար։

3. Բարձր խոնավություն
Պարսից ծոցի տարածաշրջանում ամռանը կարող է օդի բարձր խոնավություն դիտվել, որն ավելի կխորացնի շոգի զգացողությունը:

4. Քիչ ակտիվ տուրիստական սեզոն
Ամռանը շատ հաճախ դիտվում է տուրիստական ակտիվության նվազում, կապված բարձր ջերմաստիճանի հետ, որն ազդում է էքսկուրսիաների, ժամանցային միջոցառումների հասանելիության վրա:

Նոյեմբերից մինչ մարտն է համարվում Մերձավոր Արևելքով կռուիզների համար հարմարավետ ժամանակահատված:

Կրուիզի ընթացքում ծովահենները հնարավոր է՞ հարձակվեն

() — Sun, 14 Jan 2024 19:39:01 +0000

Այժմ Սոմալիի ավազանում ծովահենության հետ կապված իրավիճակը գտնվում է որոշակի վերահսկողության տակ՝ ի շնորհիվ միջազգային ծովային ռազմական ուժերի ջանքերի և անվտանգութան միջոցառումների ուժեղացման:

Կրուիզ տանող ընկերությունները միջոցներ են ձեռնարկում անձնակազմի և ուղևորների անվտանգությունը ապահովելու համար:

Սովորաբար կրուիզային մեծ նավերը հետևում են այն երթուղիներին, որոնք նվազեցնում են ծովահենային ակտիվության գոտի ընկնելու ռիսկը: Բացի այդ նրանք հաճախ ընդունում են անվտանգության լրացուցիչ միջոցներ. վարձում են պահակախումբ, տեղադրում են պատնեշներ, օգտագործում են ջրային թնդանոթներ և հարձակումների հետ մղման այլ միջոցներ:

Կրուիզ կազմակերպող ընկերությունները պարտավոր են հետևել անվտանգության միջազգային չափորոշիչներին և համագործակցել իշխանությունների հետ, որպեսզի ապահովեն անվտանգությունը իրենց երթուղիներին:

Ծովահենների հարձակումներ ծովային կրուիզային խոշոր նավերի վրա վերջին 10 տարիների ընթացքում չեն գրանցվել:

Կրուիզ հանգիստ: Արդյո՞ք անվտանգ են կրուիզային նավերը

() — Sun, 07 Jan 2024 09:00:24 +0000

Կրուիզ հանգիստ մեկնելիս զբոսաշրջային նավերի գլխավոր թշնամիներն են՝ հրդեհը և ծանծաղուտը (շրջվելը)։

Վերջին 10 տարվա մեջ կռուիզային զբոսանավերի վրա եղել են հրդեհի մի քանի դեպք, և շատերը հավանաբար լսել են Costa Concordia-ի շրջվելու մասին։

Կրուիզ հանգիստ կազմակերպելիս այդպիսի պատահարներ հազվադեպ են հանդիպում՝ հաշվի առնելով յուրաքանչյուր տարի միլիոնավոր շրջագայությունները։ Ավելի մեծ ռիսկ կա ավտոմոբիլով դեպի օդանավակայան ճանապարհին, քան խոշոր զբոսանավի վրա։

“Ափային անվտանգությունը” խիստ հսկողություն է սահմանում. բոլոր նավերի կանոնավոր հսկողությունը կատարվում է արտակարգ իրավիճակների դեմ պայքարի մեթոդներին համապատասխան։

Նաև գոյություն ունի ծովում կյանքի անվտանգության միջազգային կոնվենցիա (SOLAS), որի նորմերը կարգավորում են սկսած հրդեհային անվտանգությունից և ավարտած ծովի վրա նավիգացիայով և անվտանգությամբ։

Մի քանի տարի առաջ կրուիզային գծերի միջազգային ասոցիացիան ընդունել է զբոսաշրջային արդյունաբերության ուղևորի անվտանգության վերաբերյալ օրինագիծ, որը երաշխավորում է ուղևորների իրավունքները և պատասխանատու է զբոսանավերի վրա հարմարավետության, անվտանգության և սպասարկման համար:

Իհարկե պետք է հիշել, որ խոշոր զբոսանավը նման է մեծ հյուրանոցային համալիրի։ Պետք է ուշադիր հետևել երեխաներին, բացատրել նրանց, թե ինչպես պետք է պահեն իրենց, եթե մոլորվեն հարկերում։ Բոլոր արժեքավոր իրերը պահել չհրկիզվող պահարանում։

Պետք է միշտ անցնել ուսումնական տագնապի հրահանգումը, որն անցկացվում է նավ նստելու օրը։

Կրուիզ: 2023-2024թթ սեզոնի մեկնարկը Դուբայում

() — Fri, 29 Dec 2023 19:26:23 +0000

Դուբայի կրուիզի նոր սեզոնը մեկնարկել է Mein Schiff 2 շքեղ լայների ժամանումով: Նավը կայանել է Մինա Ռաշիդի Համդան բին Մոհամմեդ կռուիզային տերմինալում՝ նշանավորելով առաջիկա հետաքրքիր սեզոնի սկիզբը կրուիզ նախընտրողների համար:

Դուբայը, որն ամբողջ տարին գրավում է միջազգային այցելուներին իր անհամեմատելի հյուրընկալությամբ և համաշխարհային կարգի տեսարժան վայրերով, գալիք սեզոնին ակնկալում է ընդունել մինչև 150 զբոսաշրջային նավ՝ ամրապնդելով իր դիրքը որպես գլոբալ զբոսանավերի առաջնակարգ վայր:

Մինա Ռաշիդ և Դուբայի նավահանգիստ զբոսաշրջային նավերով ժամանող ճանապարհորդները, ինչպես միշտ, կստանան տարբեր փորձառություններ և բարձրակարգ ծառայություններ: Mein Schiff 2-ի ժամանումը հոկտեմբերի 28-ին այս կրուիզի սեզոնի առաջին հանգրվանն էր Դուբայում: Դուբայը նաև առաջին անգամ կընդունի Virgin Voyages-ի կողմից շահագործվող Resilient Lady Ship-ը, որը այս սեզոնին քաղաքից կգործի երկու երթուղով:

Դուբայը կարևոր դերակատարում է ունեցել Cruise Arabia դաշինքում և սերտորեն համագործակցել վերջինիս հետ՝ ավելի փոխկապակցված և ինտեգրված տարածաշրջանային կրուիզներ մատուցելու համար: Ներառելով տարածաշրջանի առանցքային նավահանգիստներից Աբու Դաբին, Բահրեյնը և Օմանը՝ դաշինքը ձգտում է խթանել տարածաշրջանը՝ որպես զբոսաշրջային նավերի ուղղություն ամբողջ աշխարհում:

Դուբայը շարունակում է գրավել կրուիզ առաջարկող խոշոր օպերատորներին, այդ թվում՝ MSC Cruises, TUI Cruises, Aida Cruises, Costa Cruises և Ponant Cruises՝ այն համարելով մեկնարկային նավահանգիստ: Բացի այդ, Դուբայը կհյուրընկալի հանրահայտ կրուզային լայներների՝ Cunard, P&O Cruises, Princess Cruises, Royal Caribbean Cruise Lines, Celebrity Cruises, Norwegian Cruises, Silversea Cruises և Cordelia Cruises-ի արտագնա նավահանգստային այցերը:

Դուբայի զբոսաշրջային արդյունաբերությունը վերջին տարիներին նկատելի հաջողությունների է հասել՝ ամրապնդելով իր դիրքը որպես համաշխարհային առաջատար: 2023 թվականին Մինա Ռաշիդը World Travel Awards-ի ժամանակ ճանաչվել է Մերձավոր Արևելքի առաջատար նավահանգիստը։ Ավելի վաղ՝ 2021 թվականին, Դուբայի նավահանգիստը 1-ին ամենամյա World Cruise Awards մրցանակաբաշխության ժամանակ ճանաչվել էր աշխարհի լավագույն նոր զարգացող զբոսաշրջային կենտրոն: Այս պարգևներն ավելի են ընդգծում Դուբայի՝ որպես զբոսաշրջային նպատակակետի աճող մասսայականությունը:

Դուբայը ընդունում է էկոլոգիապես պատասխանատու նավերի, ինչպիսին է MSC World Europa-ն, որոնք ավելի կայուն ճանապարհորդության համար սնուցվում են հեղուկ բնական գազով (LNG), և Costa Toscana-ն, որը պարծենում է նոր հեղուկ բնական գազով (LNG) աշխատող շարժիչներով, ինչը ընդգծում է Դուբայի հավատարմությունը բնապահպանական պատասխանատվության նկատմամբ:

Դուբայի գրավչությունը՝ որպես զբոսաշրջային վայր, ընդլայնվում է նրա գեղեցիկ նավահանգիստներից դուրս: Քաղաքը պարծենում է համաշխարհային կարգի տերմինալային հարմարություններով, որոնք ի վիճակի են սպասարկել ամենամեծ միջազգային զբոսանավերը: Այն ունի ռազմավարական դիրք՝ որպես տարածաշրջան մուտք գործող դարպաս՝ կապակցված DXB-ի (Դուբայի միջազգային օդանավակայան) և երկու կռուիզային տերմինալների միջոցով: Դուբայը շարունակում է ներդրումներ կատարել զբոսաշրջային տերմինալի ենթակառուցվածքում՝ ապահովելով մուտքի անխափան ընթացակարգեր և զբոսաշրջային նավերի ուղևորների համար վիզաների տրամադրման դյուրացված հնարավորություններ: Շքեղ նավերը ութ հայտնի զբոսաշրջային երթուղիներից կայանում են Դուբայում՝ իրենց հետ բերելով զբոսաշրջիկների տարբեր խմբեր ամբողջ աշխարհից:
աղբյուրը՝ b24.am կայքում

Անցեք հղումով. Դուբայում կրուիզ

Կրուիզ նավով: Ի՞նչ է պատահում, երբ կրուիզային նավում «քաշում եք» զուգարանի ջուրը

() — Wed, 27 Dec 2023 18:32:12 +0000

Մեր օրերում զբոսաշրջային մեծ նավերը նման են խոշոր քաղաքների, որտեղ յուրաքանչյուր մանրուք այնքան մտածված է, որ ուղևորը իրեն նույնքան հարմարավետ է զգում, որքան ցամաքի վրա և նույնիսկ ավելի լավ։

Այնտեղ կարելի է ցնցուղ ընդունել, լվացք անել կամ լողալ լողավազանում:

Իսկ ո՞ւր է գնում կեղտաջուրը:

Միջին վիճակագրական զբոսանավը 1 ուղևորի հաշվով մեկ օրում ծախսում է 180-230 լ ջուր:
Օրինակ, աշխարհում ամենամեծ կրուիզային նավը՝ «Ծովերի ներդաշնակություն»-ը կարող է տեղավորել 5500 ուղևորի և 2300 անձնակազմի անդամների: Նրանք մեկ օրում «արտադրում են» 1418000 լ կեղտաջուր: Կեղտաջրերը պետք է...

Մանրամասները՝ հոլովակում.

Ինտերնետը կրուիզներում

() — Sun, 24 Dec 2023 22:08:45 +0000

Բոլոր կրուիզային նավերը հագեցած են ինտերնետ կապով:
Խոշոր նավերից շատերն ունեն հնարավորություն միանալ ցանցին անմիջապես նավախցում կամ մատուցում են անլար ինտերնետ կապի ծառայություն:

Ցանցին միանալը վճարովի է. մեկ րոպեի համար մոտավորապես 50 ցենտից սկսած: Նրանց համար, ովքեր պլանավորում են ակտիվորեն օգտվել ծառայությունից, նախատեսված է հատուկ փաթեթի ձեռքբերման հնարավորություն. որքան շատ եք օգտվում ինտերնետից, այնքան մատչելի կլինի մեկ րոպեի արժեքը: Նավախցում լինում է ամբողջական տեղեկատվությունը:

Զեղչերի դեպքում որոշ ընկերություններ ներառում են ինտերնետ փաթեթը որպես բոնուս:

Եթե ինտերնետը ամեն րոպե չէ անհրաժեշտ, ապա կարող եք օգտվել անվճար wi-fi կապից, որն առկա է համարյա բոլոր կրուիզային նավահանգիստներում, որոշ առևտրի կենտրոններում և սրճարաններում։

Անցեք հղումով. Զեղչով ծովային կրուիզներ